İnternet reklamlarının kəşf olunmasından sonra bu sahə böyük bir sürətlə inkişaf etməyə başladı. Sahə yeni yarandığı və sürətlə inkişaf etdiyi üçün, müxtəlif ölçülər, texnologiyalar və bunlarla bağlı terminlər ortaya çıxmağa başladı. Bu xaotik böyümə nəticəsində getdikcə daha da qarışıq hal alan İnternet reklam sahəsində tərəflər artıq bir-birlərini başa düşməklə və yenilikləri təqib etməkdə çətinlik çəkməyə başladı.
İnternet reklam sahəsində yaranmış bu qarışıqlığın aradan qaldırılması, sahənin gələcək inkişafının və tərəflərin marağının təmin olunması məqsədilə, böyük reklamverən şirkətlər, İnternet reklam agentlikləri və İnternet sayt təmsilçilərinin bir araya gəlməsi ilə 1996-cı ildə İAB yaradıldı. İnternet reklamı sektorunun tərəflərini tələblərini nəzərə almaqla, sahə ilə bağlı müxtəlif standartlar müəyyən edir, ortaq terminologiya yaradır. Sahənin inkişafı üçün müxtəlif araşdırmalar aparır və treninqlər keçirir. ABŞ-da yaradılan İAB ilə yanaşı Kanadada və bir sıra Avropa ölkəsində yerli İnteraktiv Reklam Bürolıarı fəaliyyət göstərir. 1997-ci ildə yaradılan İAB Europe, 15 Avropa ölkəsindən milli İnteraktiv Reklam Bürolarını birləşdirir.
