Əvvəlki kimi bu statistikada Internet Explorer liderlik edir. Net Applications verdiyi məlumata əsasən, ötən ay ərzində Microsoft istehsalı olan brauzerin bazardakı payı 0.74% ixtisar olunub və indi 73.01% təşkil edir. Müqaisə üçün qeyd edək ki, bir il öncə softver nəhəngi brauzerlər bazarının təxminən 80%-ə nəzarət edirdi.
İstifadəsi daha çox yayılmış brauzerlərin siyahısında ikinci yeri Firefox tutur. İyun ərzində Firefox istifadəçilərinin sayı 0.62% artaraq 19.03% təşkil etmişdir. Təhlilçilər, iyun ayındakı Firefox brauzerinin bazar payının sürətli artımını, proqram məhsulunun üçüncü versiyasının işıq üzü görməsi ilə əlaqələndirirlər.
Daha populyar brauzelər siyahısında ilk üçlüyü, iyun ayında istifadə faizi 6.31% olan Safari bağlayır. Bu göstərici may ayı ilə müqaisədə 0.06% çoxdur. Net Applications tərtib etdiyi siyahıda dördüncü və beşinci yerləri, istifadəsi 0.73% və 0.67% olan müvafiq olaraq Opera və Netscape brauzerləri tuturlar. Digər brauzerlərə qaldıqda isə ötən ay onların brauzerlər bazarındakı ümumi payı 0.25%-dən biraz çox olub
