Məhəmməd Peyğəmbərin karikaturalarının danimarka KİV-lərində təkrarən dərc edilməsinə etiraz əlaməti olaraq, Səudiyyə Ərəbistandan olan xaker danimarka şirkət və ictimayi təşkilatlarına məxsus minlərlə saytı dağıdıb.
İki həftə bundan öncə, biabırçı təsvirlərin müəlliflərindən biri Kurt Vesterqaarda suiqəstin hazırlanması haqda məlumatlara cavab olaraq, 17 danimarka qəzeti Məhəmməd Peyğəmbərin karikaturalarını dərc edib. Xatırladaq ki, müsəlmanların haqlı etirazlarına səbəb olan karikaturalar ilk dəfə 2005-ci ildə “Yulands-posten” qəzetində dərc olunub.
Ərəb qəzeti “Al-İktisadiya”-ya istinadən РИА “Новости”-nin verdiyi məlumata əsasən, xaker sındırdığı danimarka saytlarına, ayaq izi əks olunan danimarka bayrağını yerləşdirib. Həmçinin o, gələcək də islamın təhqir olunması hallarına daha “sərt reaksiya” verəcəyi barədə xəbərdarlıq edib.
