İspaniyaya məxsus Kanar adalarının Las Palmas şəhərindəki rəsədxanada dünyada ən böyük teleskoplardan biri quraşdırılıb. Böyük Kanar Teleskopu (Grand Telescopio Canarias - GCT) adını almış teleskop dəniz səviyyəsindən 2400 metr yüksəklikdə quraşdırılıb. Teleskop tam həcmdə 2008-ci ildən tez fəaliyyətə başlamayacaq, bu vaxta qədər isə əsas güzgü quraşdırılacaq, bütün cihazlar və astronomik kameralar sazlanacaq. Bütün işlər sona çatdıqdan sonra əsas güzgü 36 altıbucaqlı seqmentdən ibarət olacaq ki, onların da 12-si artıq quraşdırılıb. Layihənin dəyəri 130 milyon avrodur. Teleskopun vəzifələrinə kainatın ən uzaq göy cisimlərini müşahidə etmək, ulduzların əmələ gəlməsini və «qara dəlikləri» tədqiq etmək daxildir. Alimlər həmçinin yeni teleskopun yaxın kosmosda Yerə bənzər planetlərin axtarışında da yardımçı olacağına ümid edirlər