Microsoft Zune pleyerinin yeni versiyasını satışa çıxarıb - 9 September 2008

Microsoft şirkəti Zune portativ pleyerinin yeni versiyasının satışa çıxarılmasını elan edib. Yeni versiyaya WiFi şəbəkələrini dəstəkləmə, internet-proqramları axınının dinlənilməsi və internetdə işləmək imkanları əlavə olunub. Bundan əlavə yeni versiyada məlumat saxlama həcmi daha genişdir.

Şirkət tərəfindən yeni versiyanın iki modeli təqdim olunub – 250 ABŞ dolları qiymətində 120-qiqabaytlıq (sərt disk bazasında) və 200 dollar qiymətində 16-qiqabaytlıq (fləş-yaddaş bazasında). Yeni pleyerlər qara və tünd göy rənglərdə satışa çıxarılır.

Qeyd edək ki, cari ilin sentyabr ayının 16-da Microsoft şirkəti Zune pleyeri və Marketplace onlayn-mağazası üçün yeni proqram təminatı təqdim edəcək, Cybersecurity yazır.