Son dövrlərdə kiberfəzada baş verən ciddi dəyişiklikləri, İnternetdən terrorçuluq, narkotik maddələrin yayılması və insan alveri məqsədilə istifadənin gücləndiyini nəzərə alaraq kompüter cinayətkarlığı sahəsində AR Cinayət Məcəlləsindəki müvcud maddələrin təkmilləşdirilməsi və müəyyən əlavələrin edilməsi məqsədəuyğun olardı. Cinayət Məcəlləsinin 271,272 və 273-cü Maddələrində kompüter informasiyasına qanunsuz olaraq daxil olma, ziyanverici proqram yaratma, onlardan istifadə etmə və ya onları yayma, informasiya sistemlərinin və şəbəkələrinin istismarı qaydalarını pozmağa görə şərti maliyyə vahidi məbləğinin beş yüz misli miqdarda cərimədən başlayaraq beş ilədək müddətə azadlıqdan məhrum etmə cəzası nəzərdə tutulur.
|
