F-Secure şirkətinin apardığı təhqiqat göstərib ki, mobil telefon istifadəçilərinin təxminən 86%-i apparatlarının Bluetooth vasitəsilə virusa yoluxa bilməsi haqda məlumatlı olmalarına baxmayaraq, antivirus proqram təminatından istifadə etmirlər.
F-Secure şirkəti, sadə mobil telefon istifadəçilərinin, mobil təhlükəsizlik haqda biliklərini örgənmək məqsədilə ABŞ, Kanada, Böyük Britaniya, Fransa və Almaniyada yaşayan 20- 40 həddində 1169 nəfərdən rəy soruşub.
Respondentlərin 28%-i telefonlarından internetə çıxış üçün istifadə edir. Bununla belə istifadəçilərin böyük əksəriyyəti (86%), onların telefonlarında hər hansı təhlükəsizlik sisteminin olmadığını etiraf ediblər. Soruşulanların 21%-i Bluetooth-birləşmənin tam təhlükəsiz olduğunu hesab edir, 15%-i isə Wi-Fi-ın təhlükəsizliyində əmin olduqlarını bildirir.
Sorğu nəticələrinə əsasən, ABŞ istifadəçiləri bu baxımdan ən sadəlöhvərdilər: onların 38%-i hesab edir ki, telefonlarının təhlükəsizliyinin qayğısına mobil operator qalmalıdır. Bu fikirlə fransanın 32%, almaniyanın isə 11% istifadəçiləri həmrəydi.
F-Secure antivirus araşdırmalar şirkətinin rəhbəri Mikko Hipponen şərh edir ki, - “İndi mobil qurğulara qarşı yönələn internet kriminal yüksək olmasa da, bu sadəcə “fıtına” öncəki sakitlikdir. Hazırda 400-ə dək mobil virus aşkarlanıb. Ancaq, smartfonların getdikcə internet-platformada üstünlük təşkil edən fərdi kompüterləri şıxışdırması bu rəqəmin artacağından xəbər verir.”
