Naməlum ziyankarlar AvSoft Technologies antivirus şirkətinə məxsus korporativ veb-saytın bölmələrindən birinin elə dəyişdirməyə müvəffəq olmuşlar ki, nəticədə sayta daxil olan istifadəçilərin kompüterlərinə zərərli proqram təminatı yüklənirdi.
AVG şirkətinin təhqiqatçısı Rocer Tompsonun bəyanatına əsaslanaraq, InfoWorld məlumat verir ki, ziyankar kod AvSoft saytının yükləmə səhifəsinə yerləşdirilibmiş. Bu bölməyə daxil omaq istəyən istifadəçinin brauzerində müştərini, başqa serverə istiqmətləndirən, görünməyən pəncərə açılırdı. Bu server, öz növbəsində potensial qurbanın maşınına hücüm edir.
Tompsonun sözlərinə görə şəbəkə istifadəçilərin kompüterlərinə icazəsiz soxulan ziyankarlar, Virut adlı virusu yayırdılar. Bu ziyankar proqram lokal disklərdə yerləşən icra faylları yoluxdurduqdan sonra şəbəkə disklərinə zərbə endirməyə cəhd edir. Bundan əlavə Virut virusunun tərkibinə yoluxmuş kompüterləri idarə etmə funksiyalarıda daxildir. Xöşbəxtlikdən Virut virusunu yayan zaman kibercinayətkarlar ancaq yaxşı tanınan dəliklər üçün eksploytlardan istifadə ediblər. Qeyd edək ki, “dəliklər” üçün patçlər artıq buraxıldığından hücuma məruz qalmış kompüterin dağıdılma ehtimalı xeyli azalmışdır.
Bunula belə AvSoft Technologies şirkətinə məxsus saytın ziyankarlar tərəfindən necə sındırılması hələ ki, tam olaraq məlum deyil. McAfee-dən olan ekspertlər güman edirlər ki, kibercinayətkarlar PHP kodunda səhf tapmağa müvəffəq olublar. AvSoft Technologies nümayəndələri tərəfindən hələ ki, hadisə barədə heç bir şərh olmayıb.
