Bu gün Bakıda Rabitə və İnformasiya Texnologiyaları Nazirliyi, "Abdus Salam" Nəzəri Fizika Beynəlxalq Mərkəzi, AMEA Kİbernetika İnstitutu, AMEA İnformasiya Texnologiyaları İnstitutu və Bakı Dövlət Universitetinin təşkilatçılığı ilə Azərbaycanda İKT-nin 50 illiyinə həsr olunmuş “Kibernetika və informatika problemləri” II Beynəlxalq konfransının açılış mərasimi və plenar iclası keçirilib. Plenar iclasda Azərbaycan rabitə və informasiya texnologiyaları naziri Əli Abbasov “İnformasiya texnologiyaları: inkişaf meylləri və perspektivləri” mövzusunda məruzə ilə çıxış edib.
Qeyd edək ki, tədbirə dövlət qurumlarının nümayəndələri, respublikamızın alim və mütəxəssisləri, həmçinin xarici ölkələrdən gəlmiş tanınmış alimlər qatılıblar.
Konfrans sentyabr ayının 12-dək davam edəcək