Cari ilin iyul ayında Beynəlxalq Kosmik Stansiyasına (BKS) gətirilmiş noutbuklarda Gammima.AG virusu aşkar olunub.

Qeyd edək ki, ilk dəfə bu cür virus Yer kürəsində 2007-ci ildə aşkar olunmuşdur. Onun əsas məqsədi Asiyada populyar olan Maple Story, HuangYi Online və Talesweaver kimi çoxistifadəçili oyunların parollarını oğurlamaqdan ibarətdir. Naməlum qalan səbəblərdən stansiyaya gətirilən virus BKS-nin idarəetmə sistemlərinə zərər vura bilməz. Qeyd edək ki, təhlükəli proqramların kosmosda aşkar olunması ilk dəfə deyil. Lakin bu cür hallar tez-tez baş vermir və BKS-nin işi üçün təhlükə daşımır.

Virus aşkar olunmuş noutbuklar vasitəsi ilə astronavtlar Yer kürəsinə elektron məktub göndərirdilər. Qeyd edək ki, həmin noutbuklarda antivirus proqramları quraşdırılmamışdır.

Hazırda gələcəkdə bu cür halların qarşısını almaq məqsədi ilə xüsusi təhlükəsizlik sistemlərinin quraşdırılması nəzərdə tutulub.